الاخبار و والفعاليات
بفضل الله ثم تبرعاتكم وبالتعاون مع مؤسسة ومن الماء حياة - Life from water foundation قدرنا نوصل ٤٧ وصلة مياة لأسر بتعاني من صعوبة الوصول لمياه نضيفة في قري مركز سمالوط :- عزبة الرمل - السرايرة - جبل الطير بني خالد. دلوقتي تقدر تساهم معانا بصدقتك او بالصدقات الجارية ليك أو لعزيز عليك في مشروع توصيل المياه لقري الصعيد الفقيرة ضمن برنامج تنمية القرى. #جمعية_البراق.
عشان #احنافي ضهرك فريقنا نزل يوزع وجبات الاطعام يوم الخميس بدل من يوم الجمعة وتم توزيع ١٠٠٠ وجبة في منطقة الدويقة و منطقة ١٥ مايو لحد باب بيوت المستحقين للحد من التجمعات والازدحام. احنا بنحاول نعمل اللي علينا اعمل انت كمان اللي عليك و #خليك في البيت.
أهالينا المستحقين غالين علينا وصحتهم وتأمينهم مهم عندنا جدا. عشان كده خدنا قرار ان تسليم #الكفالات الشهرية هيبقي لحد باب بيتهم بدل من استلامها من مقر الجمعية. وهيتم صرف شهر ابريل+شهر مقدم +شهر استثنائي عشان احنا مقدرين احتياجتهم في الظروف اللي بنمر بيها وعدم الاستقرار في العمل والدخل. #خليك في البيت #احنافي_ضهرك.
بتبرعاتكم قدرنا ندفع نص مبلغ مولد الكهربا لحضانات الأطفال لقسم الأطفال المبتسرين ١٥٠ ألف جنية ولسه علينا باقي المبلغ ، زي ما وصلنا للمرحلة دي بمساعداتكو هنقدر نسدد باقي المبلغ.
بفضل الله و مجهودكو معانا قدرنا نعمل أول معرض من معارض الملابس اللي في خطتنا الفترة الجاية، المعرض كان خاص لأهالي #الدويقة.. ولسه عايزينك معانا في مرحلة الفرز و التجهيز عشان نقدر نعمل اكبر قدر من المعارض و نسعد أهالينا اللي مستنين معارضنا.
تم بفضل الله ذبح و توزيع العجل الأول على أهالي اسوان و لسه مكملين ...سعر سهم اللحمة ١٢٥ ج.
الصور دي من معرض الملابس يوم الأربع والخميس في مقرنا لحالات الجمعية.. دي ثمرة تبرعاتكو وتطوعكو معاناولسه الفترة الجاية بنحضر لأكتر من معرض في اكتر من مكان.
معرض البراق لملابس العيد في طرفا، سمالوط بالمنيا، جزى الله كل من ساهم خيرًا وتقبل منهم.
بفضل الله ومجهود المتطوعين.. و تبرعات المتبرعين المادية او بالملابس قدرنا نبيع امبارح في #معرض_العيد ١٤٥١ قطعة ملابس و ٥٠ متر قماش بأسعار رمزية للمحتاجين في أبو رجيلة عشان نفرحهم
في العيد.
بفضل الله و تعاونكم معانا دى كانت نتايج #مشروع_أضاحي_٢٠١٩، تم دبح 30 عجل و 27 خروف على مدار أربع أيام العيد وصافى لحوم تبرع 3400 كيلو.
تبرعك بقي ملموس علي أرض الواقع..قدرنا
بفضل الله و تبرعاتكو نوصل لمرحلة تركيب الحضانات واستلامها بعد الفحص من مندوب وزارة الصحة في قسم الأطفال المبتسيرين في #مستوصف_البراق_الخيري بسمالوط - المنيا.
الحمدلله قدرنا نوصل ل ١٧ محافظةو نوزع
أكتر من ٦٠٠٠ شنطة شكراً لكل اللي شاركنا بوقته ... بتبرعه او حتى بدعواته كل عام
و انتم أهل الخير و سند المحتاجين.